Somos finalistas por segundo ano da Copa do Sar
A Sociedade Deportiva Negreira defenderá o título de vixente campión e por segundo ano consecutivo plántase na final da 58ª Copa do Sar, logo de superar o domingo 5 de abril en semifinais, ao conxunto do Amio SD, equipo da Segunda Futgal por un parcial final de 1 gol a 4 no campo municipal do Sergas, en Santiago de Compostela.
O once inicial dos nosos estivo formado por: Juan Berdullas, en portería; Juan Diego (capitán), Ángelo, Brais López e Xabi Sánchez, en defensa; Puyu, Joel Lagares, Martín Pereira e Manu Mayán, no centro do campo e, a presenza de Juan de Selia e Diego Fuentes, na punta de ataque. Tralo descanso, Adri Vázquez e Óscar Vidal introducirían os tres primeiros trocos: Alberto Freire; Gonzalo Suárez e Adrián Pereira, entrarían por Ángelo, Manu Mayán e Joel Lagares. No minuto 77 entrarían os xuvenís: Pablo Raviña e Hugo Vázquez, por Diego Fuentes e Juan de Selia, respectivamente.
Goles
0-1: minuto 19, de Martín Pereira; 1-1: minuto 37, de penalti; 1-2: minuto 74 de Alberto Freire; 1-3: minuto 76, Diego Fuentes e 1-4: minuto 85, Adrián Pereira.
O rival
Na final medirémonos ó esixente CSD Arzúa, equipo punteiro de Primeira Futgal Grupo 2 que eliminou pola mínima 1-0 á SD Dubra, cun gol de Brais Pedreira no minuto 48 do partido desputado no campo municipal de O Viso, en Arzúa.
A final da 58ª Copa do Sar será a fin de semana do 23 e 24 de maio de 2026, nun campo aínda por determinar.
Eliminatorias
Dezaseisavos de final: SD Negreira – Sigüeiro FC [5-1]
Oitavos de final: Resmón CF – SD Negreira [2-6]
Cuartos de final: CD Artes – SD Negreira [1-4]
#lévasenocorazon
#aupanegreira